Día Mundial da Filosofía

"O pensador", de Rodin, en pezas de Lego (nunha exposición en Roma)

Este xoves 15 de novembro celébrase como cada terceiro xoves de novembro, desde o ano 2005, o Día Mundial da Filosofía, a iniciativa da UNESCO. 
Desta volta, ímolo celebrar cunhas magníficas reflexións de Nerea Iglesias e Miguel Pérez (1º Bach). Aquí quedan: 

FilosofíaSI no Día internacional

No Día Mundial da Filosofía unímonos á campaña da Red Española de Filosofía (REF) fotografiándonos cunha pancarta que leva a mensaxe de "FilosofíaSI". 

Aristóteles

Aristóteles

Este ano a UNESCO, a promotora dos Días Internacionais da Filosofía e da Tolerancia, celebra tamén os aniversarios de Aristóteles e Leibniz. "Con varios séculos de diferenza e en contextos culturais moi distintos, ambos tiñan en común o feito de situar a filosofía no corazón da vida pública, como un elemento central dunha vida digna e libre".

En 2º de Bacharelato acabamos de finalizar con Aristóteles. No exame os resultados foron bastante bos. E agora imos a polo helenismo, no sen antes felicitarnos polos 2.400 anos que pasaron desde o nacemento de  Aristóteles. 

O punto culminante das celebracións de Aristóteles tivo lugar en maio cun congreso sobre a súa figura na Universidade Aristóteles de Tesalónica, na antiga Estaxira, lugar de nacemento de Aristóteles, e tamén na antiga Mieza, onde o filósofo impartíu as súas ensinanzas a Alexandre Magno.

Por se vos pica a curiosidade, déixovos algunhas noticias máis ou menos recentes en torno a Aristóteles:
- Sobre a súa tumba en Estaxira.
- Acerca da apertura ao público do Liceo aristotélico.
- En relación ás últimas palabras de Alexandre Magno.

Liceo aristotélico, na actualidade

Mieza, onde Aristóteles ensinou a Alexandre

Celebramos a filosofía con tolerancia

     

No terceiro do xoves de novembro celébrase o Día Mundial da Filosofía  co fin de estimular o pensamento crítico e independente así como de traballar en aras dun mellor entendemento do mundo, promovendo a paz e a tolerancia.

Cada ano ten un tema específico e o deste ano é precisamente o da tolerancia, valor celebrado o 16 de novembro (no Día internacional da Tolerancia). Como di Irina Bokova, a directora da Unesco, no discurso de commemoración deste día: "Ao igual que a tolerancia, a filosofía é unha forma de convivencia dentro do respeto dos dereitos e os valores comúns. Representa tamén unha capacidade para ver o mundo a través dunha mirada crítica, consciente do parecer dos demais, fortalecida pola liberdade de pensamento, de conciencia e de crenzas".

Se queredes gozar filosofando un pouco, podedes ler o artigo de Carme Adán sobre: "Pensar... Ese pracer esquecido"

E tamén podedes ver un montón de breves reflexións sobre a filosofía vía twitter cos hashtags #diamundialdelafilosofía e #filosofers

Quedan aquí algúns filosofemas e imaxes en torno ao tema. Animádesvos a engadir  algún? Ou mesmo, atrevédesvos a propoñer algunha reflexión propia?

"Vivir sen filosofar é, propiamente, ter os ollos pechados, sen tratar de abrilos xamais" (R. Descartes)


"Poucos ven o que somos, pero todos ven o que aparentamos" (Maquiavelo)

Espero polos vosos comentarios ;)