Despois da apocalipse

Este pasado venres 28 de outubro experienciamos unha clase de filosofía moi especial. Unha clase bastante práctica. Encamiñámonos ao MAC (Museo de Arte Contemporánea) cruzando a ponte peonil que nos separa do mesmo e alí vimos a película After the dark. The philosophers, unha película situada en Iacarta, a capital de Indonesia, nun centro de secundaria para rapaces con altas capacidades intelectuais. O profesor failles tomar decisións e argumentar nun suposto caso de destrución nuclear do mundo.

Un interesante xogo, que logo replicamos na sala de cine o alumnado de 1º de Bacharelato e o de FPB de Arranxos e Lavandaría. Penso que todos o pasamos moi ben filosofando un anaco, vivenciando o lado práctico da filosofía. 

Que interesados! 

trailer da película

En breve, publicaremos algúns dos comentarios vosos. 

En marcha!

Xa levamos unhas semanas en marcha. Empezando a conxugar o verbo "filosofar".

Na ESO andamos traballando en valores e practicando o manexo das emocións para mellorar a convivencia e favorecer a aprendizaxe. Repetimos unha e outra vez "Autocontrol, autocontrol" e logo pasamos a "Respecto, respecto". E é que nos primeiros días algunhas emocións andan alporizadas: 

E entrando en materia, iniciamos o curso observando ás nosas mascotas, eses animais próximos que tanto nos ensinan! Queremos averiguar algunhas diferenzas e moitas das semellanzas cos compañeiros animais...

En Bacharelato, imos filosofando, da man dos gregos tratando de dar un enorme salto temporal ata a Antiga Grecia. Así que tócanos reflexionar sobre "Por que Grecia?"; farémolo co helenista asturiano Pedro Olalla. 

Esperamos que o salto non sexa excesivo e nos conduza a bo porto!