E aquí o segundo capítulo:
LUGRÍS SEN FILTROS: SÁCAME DA MIÑA CABEZA
PODCAST: Sácame da miña cabeza
Este capítulo está dedicado á saúde mental na adolescencia. Foi preparado e levado a cabo nas clases de Valores éticos/Relixión durante o curso 2020-21 con alumnado de 4º da ESO B.
Temos xa, acabadas de saír do forno, as versións en podcast e en vídeo dos programas que gravamos o pasado mércores 21 de abril. Aquí tedes o primeiro:
LUGRÍS SEN FILTROS: QUE FOI DA CEGOÑA?
Logo dunhas cinco semanas preparándonos, o alumnado de 4º ESO B, dividido en dous grupos, realizou o pasado mércores 21 de abril a gravación de dous programas sobre sendos temas elixidos por eles. Todo este traballo estase a realizar no marco do contrato programa Eduemociona e dirixido por Cristina de la Torre.
A saúde mental foi o tema elixido polo grupo de: Darío Rodríguez, Jay Cameán, Danna Villamizar, Rouset Fente, Ariel Canario e Rodrigo Aba.
E a educación sexoafectiva foi o elixido por: Mateo Naveira, Ainara Álvarez, Xabier Rama, Diego Rosua, Michele Molina e Romina Ocampo.
O venres 23 de abril, coincidindo co día do libro, entregáronse na facultade de filosofía da Universidade de Santiago de Compostela, os premios aos catro mellores traballos das modalidades de fotografía, banda deseñada e vídeo.
Este ano non puidemos asistir por mor do límite de aforo en tempos de pandemia, como si fixemos noutros anos, pero si estivo a vosa profe en calidade de membro do xurado.
Podedes consultar cales foron as obras gañadoras no apartado de novas do sitio web da Olimpíada filosófica galega. Quedan aquí algunhas imaxes deste encontro:
