Este pasado martes 21 de maio fomos ata o IES Parga Pondal de Carballo para debater sobre se os videoxogos violentos provocan condutas violentas ou non.
Na Biblioteca Rebolo deste centro o alumnado de Argumentación e oratoria, de 1º de Bacharelato foi o protagonista do debate.
Ao noso equipo tocoulle defender que os videoxogos violentos nos fan persoas máis agresivas, mentres que os de Carballo argumentaron a favor de que serven para liberar estrés. Todos e todas as participantes defenderon as súas argumentacións de forma convincente despregando as súas armas dialécticas adobadas de recursos gráficos e vídeos.
Ao noso equipo tocoulle defender que os videoxogos violentos nos fan persoas máis agresivas, mentres que os de Carballo argumentaron a favor de que serven para liberar estrés. Todos e todas as participantes defenderon as súas argumentacións de forma convincente despregando as súas armas dialécticas adobadas de recursos gráficos e vídeos.
Ao final, e aínda que os dous equipos amosaron un gran nivel, os de Carballo impuxéronse comunicando unha lixeira mellor preparación.
O respecto e bo facer de ambos equipos foron exquisitos. Quedamos con ganas de seguir debatendo en próximas ocasións e, sobre todo, moi agradecidos, polo agarimoso recebimento e trato en todo momento.
Nas súas conclusións ambos equipos declararon que, con xogos ou sen eles, todos condenaban a violencia, sen asomo de crispación.
Un magnífico exemplo!
Adrián Rosario sacou máis fotos que tamén podedes ver. 
Seguiremos falando e argumentando!
Que viva o poder da palabra!
Ningún comentario:
Publicar un comentario