Preguntámonos sobre a lóxica binaria

Preséntovos dúas reflexións en torno a unha difícil cuestión:

Pode unha lóxica binaria explicalo todo?

A lóxica binaria é aquela que clasifica os feitos en verdadeiros ou falsos, só hai esas dúas posibilidades. É moi útil desde unha perspectiva obxectiva. O problema chega cando intentamos aplicala desde unha perspectiva subxectiva, porque na vida non é todo branco e negro, hai outras moitas cores. 

Un claro exemplo disto son os paradoxos, imposibles de resolver mediante a lóxica binaria. Un paradoxo pode ser: un alumno fai un exame tipo test no que a última pregunta di se a proba ou suspende, e o alumno marca "suspende". Cando o corrixe o profesor e chega a esa preguna, atópase que se está ben aproba e se non, suspende. Neste caso, se o profesor di que é correcta convértese en falsa, e se di que é falsa convértese en verdadeira. O profesor deberá decidir se aproba ou suspende segundo o seu criterio, deixando de lado a lóxica binaria. 

O mesmo ocorre cos sentimentos, as metáforas, as emocións... Non seguen un patrón de comportamento, en cada persoa son diferentes. É imposible determinar se son verdadeiras ou falsas, porque o que pode ser falso para min, pode ser verdadeiro para outra persoa. 

Por exemplo, o enunciado "En 1º de Bacharelato estiven moi estresada e agobiada" para min é verdadeiro, pero para Mariña, que estudou en EEUU,  é falso.

Por todo isto a lóxica binaria non pode explicalo todo, só pode explicar os feitos obxectivos. 

Lara López Suárez

Coa lóxica binaria pódese chegar moi lonxe, pero xa con estudalo tiven a sensación de que faltan elementos, porque na vida real a maioría das cousas non son nin verdadeiras nin falsas. Temas como facer ou non facer algo, pódense complexificar cos sentimentos da persoa, a lóxica binaria di que se fai ou non se fai, pero non dinada do grao de probabilidade de facelo nin de todo o proceso de decidilo. Claro, non sei moito doutras lóxicas, pero só con pensalo creo que verdadeiro e falso non é todo. Un exemplo disto son os novos ordenadores cuánticos (aínda en estado de investigación) que teñen partículas encendidas e apagadas á vez. En canto ao noso corpo, aprendín en bioloxía que unha neurona está encendida ou apagada, entón: iso significa que, pase o que pase, sempre teremos unha lóxica binaria? Claro, eu non creo que isto sexa o caso porque non só unha neurona está encendida á vez, creo que a cantidade de encendidos tamén inflúe, entón, non influiría tamén iso na lóxica binaria? Non creo que teña todos os coñecementos necesarios para estudar a fondo esta lóxica, pero penso que os seus fallos tamén poderían ser os nosos. 

En fin, unha persoa dependendo da opinión da xente, só é o que ten no cerebro, ao mellor pensamos que non, pero ao final estamos atrapados na nosa mente, dentro de nós, un código binario. Se non é así unha persoa que perde partes do cerebro por enfermidades seguiría sendo o mesmo. 
Para concluir: Que somos dentro da noso corpo, un código binario ou algo que pode ser entre o apagado e o encendido?

Arlinn Harriswangler